بسم الله الرحمن الرحيم
اليوم يايبة لكم كيكة بصراحة اول مرة اسويها بس الحمدلله ابدعت فيها
كنت مسويتها حق عيد زواجنا
يلا نبتدي
عاد نبي تطبيقات ترى كل طبخاتي سهلة وبسيطة
تتكون الجيس كيك من ثلاث طبقات
الطبقة الاولى:بسكويت دايجستيف الاحمر +زبدة
الطبقة الثانية:2دريم ويب +2قيمر كي دي دي+كلاص ماي حار مذوب فيه جيلي بنكهة الفراولة +12 جبن كيري
الطبقة الثالثة:على حسب رغبتش تقدرين تحطين جيلي مذوب في كلاص ماي حار او تقدرين تحطين الكرز
يلا نبتدي بالطريقة
لبسي المريلة واربطي شعرج ههههههههههه
اخذي البسكوت وفرمي باليد او بالمكينة عدل زين ما زين وبعدين سيحي الزبدة وخليه مع البسكوت وقعدي خلطي زين ما زين بالايد طبعا
وبعدين اخذي قالب الجيس كيك ودهنيه بشوية زبده علشان ما تلصق الاطراف وخلي البسكوت في القاعة وضغطي اباليدعلشان تتساوى الاطراف ودخلي القالب الفريزر
بعدين في خلاط العصير حطي القيمر+الجبن+والدريم ويب+الجيلي المذاب في ماء حار(فراولة) وخليهم ينخلطون زين ما زين
وبعدين طلعي القالب من الفريزر وصبي الخلطة فوقها
ودخليها الثلاجة مدة اربع الى ثلاث ساعات لين تجمد
وبعدين قبل التقديم بساعة حطي الطبقة الثالثة يا جيلي او الكرز اللي تحصلونه في رويان او جواد وردي دخليها في الفريزر الى وقت التقديم
وبالهنااااااء والعافية
وهذي صورتها
وهذي قطعة حق اول رد
الثلاثاء أكتوبر 06, 2009 3:16 pm
